Jizzax, Andijon va Farg‘ona viloyatlarida elektrdan noqonuniy foydalanganlar 913,5 million so‘m zarar yetkazgani to‘g‘risida xabar berilgandi. Shuningdek, O‘zbekistonning uch viloyatida gaz va “svet”dan noqonuniy foydalanganlar qariyb 352 mln so‘m zarar yetkazgandi. “O‘zenergoinspeksiya” esa beshta metan zapravkadan 11 milliard so‘mlik tabiiy gaz o‘g‘irlanganini aniqlagan edi.
Samarqandda metan zapravka mas’ullari 2 mlrd so‘mlik gazdan noqonuniy foydalangani aniqlandi
Toshkent shahrida Samarqand viloyatida tabiiy resurslardan noqonuniy foydalanish holatlari fosh etildi, deb xabar beradi Bosh prokuratura huzuridagi departament.
Qayd etilishicha, departamentning Past Darg‘om tuman bo‘limi tomonidan tergovga qadar tekshiruv o‘tkazilgan. Tekshiruvda “S.” MCHJ masʼul shaxslari avtomobillarga siqilgan gaz to‘ldirish shoxobchasining gaz hisoblash uskunasiga tashqi taʼsir o‘tkazib, jami 2 milliard so‘mlik tabiiy gazdan noqonuniy foydalangani aniqlangan.
Departamentning Oqdaryo tuman bo‘limi tomonidan o‘tkazilgan tergovga qadar tekshiruvda “S.B.” xususiy korxonasi rahbari A.A. “Ishtixontumangaz” hududiy bo‘limi chilangari A.J. yordamida korxonaga qarashli to‘yxonani hech qanday hujjatsiz gaz tarmog‘iga o‘zboshimchalik bilan ulab, jami 231,2 million so‘mlik tabiiy gazdan noqonuniy foydalangani ma’lum bo‘ldi.
Shu kabi, departamentning Mirzo Ulug‘bek tuman bo‘limi tomonidan o‘tkazilgan tergovga qadar tekshiruvda “M.M.” MCHJ masʼul shaxslari va boshqalar MCHJga qarashli ehtiyot qismlar ishlab chiqarish sexidagi gaz hisoblash uskunasiga o‘rnatilgan tamg‘ani buzib, jami 236,5 million so‘mlik tabiiy gazdan noqonuniy foydalanganianiqlangan.
Mazkur holatlar yuzasidan Jinoyat kodeksining 169-moddasi (o‘g‘rilik) va 185-2-moddasi (elektr, issiqlik energiyasi, gaz, vodoprovoddan foydalanish qoidalarini buzish) bilan jinoyat ishlari qo‘zg‘atilib, tergov harakatlari o‘tkazilmoqda.
Izoh
Kirish
Asosiy yangiliklar
