Tayson Fyurining promouteri Frensis Ngannuga qarshi revansh jangi bo‘lib o‘tishini ta’kidladi 

Tayson Fyuri va Frensis Ngannu 2024-yilda revansh jangini o‘tkazmoqchi.

Bu haqida Tayson Fyurining promouteri Frenk Uorren aytib o‘tdi.

“Menimcha, yuqori ehtimol bilan bu yuz beradi. Albatta, oldindan nimanidir gapirishga erta. Keling, avval, 17-fevral kuni Oleksandr Usikka qarshi jangni o‘tkazib olaylik. Shundan so‘ng hammasi ma’lum bo‘ladi.

Lekin revansh bo‘lib o‘tadi. Tayson ham buni xohlayotganini, Ngannu ham revanshga tayyorligini bildirgan. Shunday ekan, nega buni qilmaslik kerak?”, — deydi promouter.

Eslatib o‘tamiz, oktyabr oyida Saudiya Arabistonida Tayson Fyuri va Frensis Ngannu o‘rtasida boks qoidalari bo‘yicha jang bo‘lib o‘tgan va unda hakamlar qaroriga ko‘ra Fyurining qo‘li baland kelgandi.