Samarqandda ichida yo‘lovchilar bo‘lgan avtobus YTHga uchrab, ag‘darildi

Samarqandning Oqdaryo tumanida avtobus YTHga uchrashi oqibatida yo‘lovchilardan biri vafot etdi. Bu haqda viloyat IIB matbuot kotibi xabar berdi.

Ma’lum qilinishicha, 22-noyabr kuni soat 11:50 larda Oqdaryo tumani hududidan o‘tuvchi M-37 avtomobil yo‘lining 30-kilometrida yo‘lovchi tashuvchi avtobus haydovchisi boshqaruvni yo‘qotib, yo‘lning beton to‘sig‘iga urilgan va ag‘darilgan.

Buning oqibatida avtobusda bo‘lgan bir nafar yo‘lovchi vafot etgan, 17 nafar fuqaroga birinchi tibbiy yordam ko‘rsatilib, uylariga javob berilgan.

Ayni paytda YTH yuzasidan surishtiruv harakatlari olib borilmoqda.