Daniya 2025—2027-yillarda Ukrainaga 3,4 milliard dollar ajratishga qaror qildi
Daniya hukumati va Daniya parlamentidagi ko‘pchilik partiyalar Ukrainaga 2023-yilda qo‘shimcha 2,3 milliard Daniya kronasi (337 million dollar), 2025-2027-yillarda esa 23 milliard kron (3,4 milliard dollar) ajratishga qaror qildi, deyiladi Mudofaa vazirligi xabarida.
“Hukumat va Folketing partiyalarining aksariyati Ukraina jamg‘armasiga 2023-yilda 2,3 milliard kroma va 2025-2027-yillarda 23,5 milliard krona miqdorida qo‘shimcha yordam ko‘rsatishga rozi bo‘ldi”, — deyiladi vazirlik xabarida.
Vazirlik, shuningdek, Daniya “Ukrainani qo‘llab-quvvatlashda yetakchi rol o‘ynashda davom etishi” va “mudofaa kurashiga” katta hissa qo‘shishi kerakligini ta’kidladi.
Avvalroq Rossiya Ukrainaga qurol yetkazib berish yuzasidan NATO davlatlariga nota yuborgan edi. Rossiya tashqi ishlar vaziri Sergey Lavrov Ukraina uchun qurol bo‘lgan har qanday yuk Rossiya uchun qonuniy nishonga aylanishini ta’kidlagandi.
Rossiya Tashqi ishlar vazirligi NATO davlatlari Ukrainaga qurol yetkazib berish orqali “o‘t bilan o‘ynashmoqda” deb ta’kidlagan.
