“Qo‘rg‘on sirlari” yulduzi Afra Sarachog‘lu serialning ikkinchi faslida sahna ortida nimalar bo‘layotganini ko‘rsatdi
Turk seriallari olamshumul tezlikda dunyoni zabt etmoqda. Mashhurlik bo‘yicha birinchi o‘rinda albatta, “Qo‘rg‘on sirlari” seriali yetakchilik qilyapti. O‘zbek tomoshabinlari ham Korxanlar oilasining hashamatli saroyidagi voqealarni, bosh qahramonlarning sevgi hikoyasini: erka merosxo‘r Ferit va uning go‘zal rafiqasi Seyran munosabatlarini ishtiyoq bilan kuzatib boryapti. Seyran rolini 25 yoshli model va aktrisa Afra Sarachog‘lu ijro etgan, u loyihadagi ishtiroki tufayli kundan kunga mashhur bo‘lib bormoqda.
Yaqinda Seyran Istanbulda qizg‘in davom etayotgan “Qo‘rg‘on sirlari” filmining ikkinchi faslini suratga olish jarayonida parda ortida nimalar bo‘layotganini ko‘rsatdi. Instagram’dagi shaxsiy blogida Afra Sarachog‘li bir qator ajoyib suratlar bilan bo‘lishdi. “Dunyodagi barcha ‘Qo‘rg‘on sirlari’ muxlislariga cheksiz muhabbat bilan”, — deb yozgan yulduz post ostiga.
Ko‘rib turganingizdek, suratga olish maydonchasida do‘stona muhit hukm surmoqda: ekranda bir-birini ko‘rarga ko‘zi yo‘q aktyorlar sahna ortida quchoqlashib, jilmayishmoqda.
