Avstraliyada kuchli o‘rmon yong‘inlari oqibatida 18 ta uy yonib ketdi

 Avstraliyada kuchli o‘rmon yong‘inlari tufayli 18 ta uy yonib kul bo‘ldi. Bu haqda Sinxua agentligi ma’lum qildi.

Umumiy hisobda, 18 ta uy va 30 dan ortiq boshqa binolar, jumladan, omborxonalar yonib ketgan.

Yarim mingdan ortiq o‘t o‘chiruvchilar ketma-ket uchinchi kun yong‘in bilan kurashmoqda. Yong‘in 1,8 ming gektardan ortiq maydonga – Vanneru va Suon shaharlari hududiga tarqalgan.

Joriy yil yozda quruq va issiq havo natijasida dunyoning ko‘plab mamlakatlarida o‘rmon yong‘inlari minglab gektar hududlarni qamrab oldi. Yong‘inlar natijasida ko‘plab aholi vakillari boshqa joyga evakuatsiya qilingan.