Bayden Falastin davlatini yaratish yo‘lida faolroq ish olib borishga chaqirdi
Xalqaro hamjamiyat Falastin — Isroil kelishuvini amalga oshirish bo‘yicha sa’y-harakatlarni faollashtirishi kerak, bu Falastin davlatini yaratishni o'z ichiga oladi, dedi AQSH prezidenti Jo Bayden.
“Kelajakka nazar tashlasak, Yaqin Sharqdagi doimiy zo‘ravonlikka chek qo‘yish zarurligini tushunamiz”, — dedi u Massachusetsdagi matbuot anjumanida.
Baydenning so‘zlariga ko‘ra, bu yo‘lda “ikki davlatning (Isroil va Falastin) birga yashashi rejasini amalga oshirish uchun faolroq harakat qilish kerak.
“Ikki xalq uchun ikkita davlat”, — deb ta’kidladi AQSH prezidenti.
Uning fikricha, aynan shunday variant isroilliklar va falastinliklar o‘rtasida tinch-totuvlikni istamaydigan HAMAS kabi harakatlar uchun xavfli.
AQSH va Isroil G‘azo sektori kelajagining uchta variantini ko‘rib chiqmoqda.
Birinchi variant Yaqin Sharq mamlakatlariga sektor ustidan vaqtinchalik nazoratni berish va AQSH, Buyuk Britaniya, Fransiya va Germaniya qo‘shinlari joylashtirish;
Ikkinchi variant ko‘p millatli kuchlar va kuzatuvchilarga o‘xshash missiyaning sektorda tinchlikparvar kuchlari faoliyat yuritishi;
Uchinchi variant — G‘azo sektorini BMT shafeligida vaqtinchalik boshqarish.
