Raqobatni rivojlantirish va iste’molchilar huquqlarini himoya qilish qo‘mitasi raisi lavozimidan ozod etildi
Shohrux Shorahmedov Raqobatni rivojlantirish va iste’molchilar huquqlarini himoya qilish qo‘mitasi raisi lavozimidan ozod etildi.
O‘zAning xabar qilishicha, u boshqa ishga o‘tishi munosabati bilan egallab turgan lavozimidan ozod etildi.
Shavkat Mirziyoyev 9-noyabr kuni bo‘lib o‘tgan yig‘ilishda yirik savdo tarmoqlarida mahalliy ishlab chiqaruvchilarga teng sharoit yaratilmagani, ulardan mahsulot pulini olishdagi muammolar, aholida mahsulot sifati va narx-navosi bo‘yicha shikoyatlar ko‘pligi Raqobat qo‘mitasi faoliyatidagi jiddiy kamchiliklardan dalolat ekanini aytgandi.
Shu munosabat bilan qo‘mita raisi Shohrux Shoraxmetovning egallab turgan lavozimiga loyiqligi masalasini ko‘rib chiqish topshirilgandi.
Shohrux Shorahmedov Raqobatni rivojlantirish va iste’molchilar huquqlarini himoya qilish qo‘mitasi raisi lavozimida 2022-yil dekabr oyidan buyon ishlab kelayotgandi.
