APL. “Manchester Yunayted” safarda “Nyukasl”ga mag‘lub bo‘ldi (video) 

Futbol bo‘yicha Angliya Premyer Ligasining 14-turida “Manchester Yunayted” 2-dekabr, shanba kuni “Nyukasl” mehmoni bo‘ldi.

Birinchi bo‘limda jamoalar darvozalarni ishg‘ol etolmadi.

Ikkinchi bo‘limda esa “Nyukasl” faollik ko‘rsatdi va hisobni ochdi. 55-daqiqada Antoni Gordon o‘z nomini tabloga yozdirib qo‘ydi. Ushbu gol o‘yin oxirigacha yagonaligicha qoldi va “Nyukasl”ga g‘alaba keltirdi.

“Nyukasl” ochkolari sonini 26 taga yetkazdi va 5-o‘ringa ko‘tarilib oldi. “Manchetser Yunayted” esa 24 ochko bilan 7-o‘rinda bormoqda.

APL

14-tur

2-dekabr, shanba

“Nyukasl” — “Manchester Yunayted” 1:0

Gol: 1:0 – 55 Gordon.

“Nyukasl”: Poup (Dubravka, 86), Trippyer, Sher, Lassels, Livramento, Bruno Gimaraes, Mayli, Almiron, Joelinton, Gordon (Ritchi, 90), Isak.

“Manchester Yunayted”: Onana, Uan-Bissaka (Regilon, 80), Maguayr, Shou, Diogu Dalot, Brunu Fernandesh, Maktominey, Maynu (Amrabat, 80), Garnacho, Marsyal (Hyoylund, 61), Reshford (Antoni, 61).

Ogohlantirishlar: Maguayr (77), Antoni (90), Joelinton (90).