Sadir Japarov amaldorlarga unga sovg‘a berishni taqiqladi

6-dekabr kuni Qirg‘iziston prezidenti Sadir Japarov 55 yoshga to‘ldi. Davlat rahbari mansabdor shaxslarga unga tug‘ilgan kun sovg‘alarini berishni taqiqladi, deb yozmoqda “Zakon.kz”.

Qirg‘iziston prezidentining taqiqi haqida respublika Vazirlar Mahkamasi raisi o‘rinbosari Edil Baysalov ma’lum qildi.

“Prezidentimiz barchamizni sovg‘a-salom va maqtovlardan qaytardi. Mutlaqo kamtar odam. Uch yildan buyon Japarov xalqimiz uni prezident etib saylashda adashmaganini isbotlab keladi”, — dedi Baysalov. “Uning mamlakatimizdagi vaziyatni har tomonlama butunlay o‘zgartira olgani — o‘zgarishlarning tarixiy ko‘lamidir. Prezidentga shunday ruhda davom etishni tilayman”.

Baysalovning taʼkidlashicha, mamlakatda olib borilayotgan islohotlar dastlab og‘riqli bo‘lgan. Shu sabab ko‘pchilik qirg‘izistonliklar o‘z munosabatini o‘zgartirishi, boshqacha ishlashga, iqtisodiyotni tiklashga to‘g‘ri kelmoqda.