Toshkent viloyatida elektromobil ishlab chiqarilishi mumkin

Toshkent viloyatida Xitoy bilan hamkorlikda elektromobil ishlab chiqarilishi mumkin. Bu haqda viloyat hokimligi axborot xizmati xabar berdi.

Ma’lum qilinishicha, Xitoyning Shandun provinsiyasida bo‘lib o‘tayotgan ikki tomonlama muzokaralarda bu haqida dastlabki kelishuvga erishildi. Dastlabki bosqichda yig‘uv sexi quriladi, ikkinchi bosqichda esa ishlab chiqarish joriy etiladi. Loyihaga 2024-yili start berilishi kutilmoqda.