Gollivudning boshqalarga o‘xshamaydigan noodatiy ko‘rinishga ega aktrisalari (foto)
So‘nggi tendensiyalarga qaraganda, ayol go‘zalligining qonunlari yana katta o‘zgarishlarga duch kelmoqda. Mukammal bo‘lish zerikarli. Olomondan ajralib turish uchun sizda noodatiy jihat bo‘lishi kerak.
Sirsha Ronan
Bu yosh Gollivud aktrisasi allaqachon bitta “Oltin globus” va uchta “Oskar” nominatsiyasiga ega. 29 yoshli Sirsha Ronan o‘zining ajoyib aktyorlik qobiliyatiga ega ekanligini bir necha bor isbotladi. Misol uchun, ta’sirchan irland dramasi “Bruklin” chiqishidan oldin u Piter Jeksonning “Sevimli suyaklar” filmi bilan yodga olinardi. Ammo Jon Krouli filmi tufayli aktrisa o‘zini butunlay boshqa tomondan ko‘rsatishga muvaffaq bo‘ldi. U o‘zini va vasvasalarini yengib, o‘ta og‘ir vaziyatda g‘alaba qozongan kuchli va sadoqatli qiz rolini o‘ynadi. Shuningdek, “Ikki qirolicha” filmida Shotlandiya qirolichasi Meri Styuart rolini ijro etdi. Aktrisaning noodatiy qiyofasi — tiniq ko‘k ko‘zlari va yorqin, beg‘ubor yuzini hisobga olsak, aktrisani hali ko‘p g‘ayrioddiy va qiziqarli rollar kutib turibdi.
Bu yosh irlandiyalik qizning tashqi ko‘rinishi har doim muhokama mavzusi bo‘lgan. Gap shundaki, makiyaj unga umuman yarashmaydi. Aktrisaning beg‘ubor ko‘rinishi qo‘pol va quyuq ranglarga toqat qilmaydi, u tabiiylikni afzal ko‘radi.
Xloye Greys Morets
Xloye Morets 26 yoshda va u birinchi marta 7 yoshida filmda rol o‘ynagan. Otasi plastik jarroh bo‘lishiga qaramay, bu omillarning hech biri aktrisaning tashqi ko‘rinishi va xatti-harakatlariga ta’sir qilmagan. Bunday imkoniyat bilan Gollivud standarti darajasidagi aktrisaga aylanishi mumkin edi. Ammo o‘zini o‘zgartirish qizning xayoliga kelmagan. Sof, muloyim va farishtadek yuz Moretsning tashrif qog‘oziga aylandi. Yoqimtoyligiga qaramay, Xloyening tashqi ko‘rinishi hayratlanarli darajada ko‘p qirrali: u boshqa dunyodan kelgan vampir qizlar va grotesk komiks qahramonlar rollariga ham mos keladi.
Runi Mara
Trisha (aktrisaning asl ismi, Runi onasining familiyasi) tabiatan chiroyli aktrisa. Uning yuz xususiyatlari va boshqalardan ajralib turadigan ko‘rinishi bor. U jamoatchilik e’tiborisiz yoki yaxshi rollarsiz oddiy, o‘rtacha aktrisaga aylanishi mumkin edi, lekin hammasi boshqacha bo‘ldi. Uning yupqa lablari va uchli burni go‘zallik me’yorlariga to‘g‘ri kelmasligi mumkin, ammo uni butun dunyo kino muxlislari yaxshi ko‘rishadi.
“Ajdaho tatuirovkali qiz” filmidagi roli bilan aktrisa dunyoga mashhur bo‘ldi. Muvaffaqiyatning yana bir tasdig‘i sifatida u “Kerol” filmi uchun “Ikkinchi plandagi eng yaxshi aktrisa” nominatsiyasida “Oskar” uchun nomzod bo‘ldi.
El Fening
Bu qizni Gollivudning eng mashhur rejissorlari yaxshi ko‘rishadi. 25 yoshidayoq u Alexandro Gonsales Inyarrityuning “Bobil”, Devid Fincherning “Benjamin Battonning sirli tarixi”, Sofiya Koppolaning “Qayerdadir” va uning otasi Frensis Ford Koppola suratga olgan “O‘rtamizda” va Stiven Spilbergning o‘zi prodyuser bo‘lgan “Super 8” filmida suratga tushgan.
Uning eng yorqin rollari orasida Anjelina Joli bilan birga ishlagan “Malefisenta” filmi alohida ahamiyatga ega. Fenningning tashqi ko‘rinishi juda noaniq: kichik qiyshiq burun, shaffof ko‘zlar, rangpar teri va dumaloq, bolalarcha do‘mboq yonoqlar. Biroq bularning barchasi yosh amerikalik aktrisa qiyofasida juda uyg‘un tarzda birlashtirilgan.
Dakota Fening
Ko‘plab mukofotlar g‘olibi va Amerika kinoaktyorlari gildiyasi mukofotiga eng yosh nomzod Dakota ham singlisi kabi noodatiy ko‘rinishga ega. Shuning uchun rejissyorlar uni yaxshi ko‘rishadi, u bolaligidanoq talabgir aktrisa bo‘lgan.
Dakota hamma narsada g‘alati: tashqi ko‘rinishda ham, xarakterida ham, tuyg‘ularida ham. Bir paytlar aktrisa o‘zining sevimli rollaridan biri bolaligida ijro etgan roli ekanligini aytadi. 6 yoshida qiz “Tez yordam” teleserialida leykemiya bilan kasallangan avtohalokat qurboni rolini o‘ynagan. Aytgancha, bu uning Gollivuddagi g‘ayrioddiy qizning shon-shuhratini oshirishni boshlagan debyuti edi.
