Krishtianu Ronaldu faoliyatidagi 1200-o‘yinida ishtirok etdi 

“An-Nassr” hujumchisi Krishtianu Ronaldu Saudiya chempionatidan o‘rin olgan “Ar-Riyod”ga qarshi bahsda (4:1) maydonga tushdi va bitta golga mualliflik qildi.

Portugaliyalik futbolchi faoliyatidagi 1200-o‘yinda ishtirok etdi.

Shu tariqa Ronaldu ushbu natijani qayd etgan 5-futbolchiga aylandi. Unga qadar Piter Shilton (1375), Pol Bestok (1286), Rojerio Seni (1237) va Fabio Lopes (1212) 1200 tadan ortiq o‘yin o‘tkazgan. Ta’kidlab o‘tish joiz, ularning barchasi darvozabonlar.

Krishtianuning o‘zi bu haqida: “Barcha jamoadoshlarimga rahmat. Mana buni sayohat desa bo‘ladi! Lekin biz hali yakunlamadik”, — deb yozdi.