Blinken: “Rossiya Ukraina bilan mojaroga NATOni ham tortishi mumkin”
AQSh davlat kotibi Entoni Blinken CNN telekanaliga bergan intervyusida Rossiyani Ukrainada to‘xtatish kerakligi, aks holda u NATOni, xususan, AQSHni mojaroga tortib ketishi mumkinligini aytib o‘tdi.
Uning qayd etishicha, Ukrainaga yordam ajratish bilan bog‘liq muammolar Kremlga qo‘l kelishi mumkin.
“Bu Ukraina uchun mutlaqo hayotiy ahamiyatga ega. Ular o‘tgan yil davomida sezilarli muvaffaqiyatlarga erishdi va Rossiya armiyasini ortga siqib chiqardi. Ukraina armiyasi 2022-yil fevralidan beri Rossiya tomonidan bosib olingan hududning 50 foizdan ortig‘ini qaytarib oldi”, — dedi Blinken.
Avvalroq AQSH davlat kotibi Entoni Blinken, Ukraina hukumati va harbiylari Kiyevga ittifoqchilar tomonidan yetkazib berilgan G‘arb qurollarini qayerda va qanday sharoitda qo‘llashni mustaqil hal qilish huquqiga ega ekanini ma’lum qilgandi.
