Buyuk Britaniya Ukrainadagi urush tugaganidan keyin ham Rossiyaga qarshi sanksiyalarni saqlab qolmoqchi

Britaniya hukumati Rossiyaning harbiy salohiyatini tezda tiklashiga yo‘l qo‘ymaslik uchun Ukrainadagi urush yakunlanganidan keyin ham sanksiyalarni saqlab qolmoqchi. Bu haqda Buyuk Britaniya biznes va savdo vaziri o‘rinbosari Nusrat G‘ani ma’lum qildi.

“Sanksiyalar urush tugaganidan keyin ham amal qiladi. Ular urush tugashi bilan bir kunda bekor qilinmaydi”, — dedi G‘ani Londondagi Policy Exchange tahlil markazida so‘zlagan nutqida.

Uning so‘zlariga ko‘ra, Britaniya hukumati jangovar harakatlar tugagandan so‘ng darhol “Rossiyaning harbiy salohiyatini tiklashga” to‘sqinlik qilmoqchi.

Avvalroq Buyuk Britaniya Norvegiya bilan dengizda Ukrainani qo‘llab-quvvatlash bo‘yicha yangi koalitsiyaga rahbarlik qilishi ma’lum qilingandi.