Turkiya Shvetsiyaning NATOga kirishini ma’qullashga shoshilmayapti

Turkiya Shvetsiyaning NATOga kirishi haqidagi protokolni tasdiqlashga shoshilmayapti. Bu haqda Turkiya parlamenti tashqi ishlar komissiyasi rahbari Fuat Oktay Bloomberg agentligiga bergan intervyusida ma’lum qildi.

“Albatta, biz shoshilmayapmiz, buning o‘ziga yarasha sabablari bor”, — dedi u.

Fuat Oktayning aytishicha, AQSH Anqaraga F-16 qiruvchi samolyotlarini sotish shartini Shvetsiyaning ittifoqqa qabul qilinishini bilan bog‘lamasligi kerak.

“NATO a’zolarining ayrimlari Shvetsiya masalasi bilan bog‘laydigan muammolar bor, masalan, F-16 qiruvchi samolyotlarining sotilishi”, — dedi Oktay.

Shvetsiyaning NATOga kirishi haqidagi protokol hozircha alyansning 31 davlati tomonidan ratifikatsiya qilingan, faqat Vengriya va Turkiya uni tasdiqlamagan.