Isroil vaziri Erdo‘g‘onni HAMAS tarafdorlarini Turkiyaga olib ketishga chaqirdi
Isroil milliy xavfsizlik vaziri Itamar Ben-Gvir Turkiya prezidenti Rajab Toyyib Erdo‘g‘onga G‘azodagi HAMAS tarafdorlarini Turkiyaga olib ketishni taklif qildi. Bu haqda “TASS” xabar berdi.
“Men Erdo‘g‘on va uning xalqi farzandlarimiz, qariyalarimiz va ayollarimizni o‘ldirgan, talon-taroj qilgan va zo‘rlagan natsist qotillarni qo‘llab-quvvatlayotganini ko‘rmoqdaman va Erdo‘g‘onga nafaqat uzoqdan turib qo‘llab-quvvatlashni, balki ularni Turkiyada yashashlari uchun o‘z himoyasiga olishini taklif qilaman”, — dedi u.
Erdo‘g‘on Istanbulda Falastinni qo‘llab-quvvatlash uchun o‘tkazilgan mitingda Anqara “Isroilni harbiy jinoyatchi deb e’lon qilishi” va buni butun xalqaro hamjamiyat oldida Falastin-Isroil mojarosining kuchayishi munosabati bilan amalga oshirishini aytgan.
Erdo‘g‘on Isroilni “bosqinchi” va “tashkilot” deb atab, Falastinning HAMAS harakati terrorchi tashkilot emasligini ta’kidlagan.
Buning ortidan Isroil tashqi ishlar vaziri Eli Koen ikki tomonlama munosabatlarni qayta ko‘rib chiqish uchun Turkiyadan diplomatlarini zudlik bilan chaqirib olganini aytgan. O‘z navbatida Isroilning Turkiyadagi elchixonasi X ijtimoiy tarmog‘idagi o‘z sahifasida turkchada “Hamas terrorchi tashkilotdir” degan yozuv bilan surat joylashtirgan.
