Qozog‘istonda havo 38 darajagacha sovib ketishi kutilmoqda

Sinoptiklar 14-dekabr kuni Qozog‘iston bo‘ylab kuzatiladigan ob-havo prognozini e’lon qildi. Bu haqda Tengrinews xabar berdi.

Meteorologlarning maʼlumotlariga ko‘ra, respublikaning aksariyat hududiga shimoli-g‘arbiy sovuq antisiklon taʼsir ko‘rsatadi, bunda ayozli ob-havo, asosan, yog‘ingarchiliksiz davom etadi. Mamlakat g‘arbida qor yog‘ishi, janubi va janubi-sharqida esa bo‘ron bo‘lishi kutilmoqda.

Janubda, Atirauning va Mang‘istov viloyatlarining sharqida chang bo‘roni, janubda, Jambil viloyatining tog‘li hududlarida tuman tushishi kutilmoqda. Respublika bo‘ylab kuchli shamol prognoz qilingan.

“Kechasi shimolda, Olmaota va Jambil viloyatlarining tog‘li hududlarida 33-38 daraja sovuq saqlanib qoladi, markazda, Yettisuv viloyatining tog‘li hududlarida 31-36 daraja sovuq bo‘ladi”, — deyiladi xabarda. 

Turkiston va Jambil viloyatlarining tog‘li dovonlarida vaqti-vaqti bilan sekundiga 30 metr va undan ko‘proq kuchli shamol esadi.