Daniyada terakt uyushtirishda gumon qilingan bir necha shaxs qo‘lga olindi

Daniya politsiyasi teraktlar uyushtirishga tayyorgarlik ko‘rganlikda gumon qilingan bir necha kishini qo‘lga oldi, deya xabar bermoqda Associated Press.

Bugun 14-dekabr kuni erta tongda butun mamlakat bo‘ylab qo‘lga olish tadbirlari o‘tkazildi. Politsiya hozircha bu ma’lumot bo‘yicha boshqa tafsilotlarni keltirmadi.

 

Kechga yaqin Kopengagen politsiyasi va mamlakat ichki razvedka agentligi o‘rtasida qo‘shma matbuot anjumani bo‘lib o‘tishi kutilmoqda.

Daniyada terrorchilik tahdidining to‘rtinchi — so‘nggidan oldingi darajasi e’lon qilingan.

7-dekabr kuni Daniya parlamenti diniy matnlarni yoqishni taqiqlovchi qonunni qabul qilgandi. Endilikda Daniyada bunday harakatlar uchun ikki yilgacha ozodlikdan mahrum qilish jazosi beriladi.