Tramp AQSH prezidentligiga nomzodlarning aqliy qobiliyatini tekshirishga chaqirdi

AQSH sobiq prezidenti Donald Tramp aqliy qobiliyatni aniqlash uchun test topshirdi va barcha prezidentlikka nomzodlarni shunday qilishga chaqirdi. Bu haqda The Hill xabar berdi.

Donald Tramp Ayova shtatidagi saylovoldi tashviqoti chog‘ida yaqinda aqliy qobiliyat sinovidan o‘tganini aytdi. 

“Men tibbiy ko‘rikdan ajoyib natijalar bilan o‘tdim. Aqliy qobiliyat bo‘yicha ham test topshirdim”, — dedi u.

Trampning fikricha, AQSH prezidentligiga barcha nomzodlar ushbu imtihondan o‘tishlari shart va bu amaldagi yetakchi Jo Baydenga ham tegishli. U bu kabi bayonotlarni birinchi marta aytayotgani yo‘q. Jumladan, 2020-yilda, hali prezidentlik paytida, Tramp haftasiga ikki marta intervyu berib, aqliy qobiliyat testidan yaxshi o‘tganini aytgandi.