Aqlbovar qilmaydigan rekordlar o‘rnatgan shou-biznes vakillari (foto)
Bu mashhurlar nafaqat iste’dodli musiqachi va aktyorlar, balki aqlbovar qilmaydigan rekordlar o‘rnatgan insonlar sifatida ham tarixda qoladi.
Teylor Svift — eng daromadli gastrol safari
Xonandani rekordchi deb atash mumkin. Teylor Svift doimiy ravishda katta auditoriyani yig‘a oladi — uning The Eras gastroli tarixdagi eng yuqori daromad keltirgan gastrol bo‘ldi. 2023-yilning mart oyida boshlangan gastrol hali yakuniga yetmagan. Daromad esa allaqachon 1 milliard dollardan oshdi. Gastroldagi so‘nggi 151-konsert 2024-yilning dekabr oyida bo‘lib o‘tadi. Bu vaqtda Teylor, albatta, dunyodagi eng boy qizga aylanadi.
Greta Gervig — eng boy ayol rejissor
“Barbi” filmi 2023-yilda katta shov-shuvga sabab bo‘ldi. U barcha reytinglarni portlatib yubordi. Natijada film butun dunyo bo‘ylab 1 milliard dollar yig‘di. Greta Gervig esa bunday muvaffaqiyatga erishgan birinchi ayol rejissorga aylandi. Aytgancha, buning uchun unga atigi 3 hafta kerak bo‘ldi.
Jeyms Kemeron — eng chuqur sho‘ng‘ish
Rejissor Jeyms Kemeron 8166 metrga yakka o‘zi sho‘ng‘igan. Bu voqea Solomon dengizidagi Yangi Gvineya oroli yaqinida sodir bo‘ladi. Jeymsdan oldin hech kim bunchalik chuqurlikka sho‘ng‘ishga jur’at etmagan. Kemeronni tajribali g‘avvos deb atash mumkin, chunki u suvda suratga olishni yaxshi ko‘radi.
Jennifer Lourens — eng ko‘p maosh oladigan aktrisa
“Hayot-mamot o‘yinlari”da ishtirok etish Jennifer Lourens karyerasida burilish nuqtasi bo‘ldi. 2014-yilda u eng ko‘p maosh oluvchi aktrisa sifatida tan olingan. Lourens hatto Skarlett Yoxansson va Sharliz Teronni ham ortda qoldira oldi.
Snup Dogg — eng katta kokteyl
Repper o‘zining ulkan Paradise kokteyli tufayli Ginnesning rekordlar kitobiga kirgan. Kokteylning hajmi 500 litr edi. Ichimlikni oxirigacha ichish uchun bir necha kun kerak bo‘ladi. Uni tayyorlash paytida Snup Dogg o‘zining “Gin and Juice” trekidan ilhomlangan.
Jared Leto — Joker rolini ikki marta o‘ynagan birinchi aktyor
Jared Letoning ijrosi qanchalik tanqid qilinmasin, u Joker obrazini ikki marta o‘ynashga muvaffaq bo‘lgan yagona aktyor hisoblanadi. Jek Nikolson, Hit Lejer va uning boshqa hamkasblari Betmenning raqibini faqat bir marta o‘ynagan. Leto ikkita filmda ishtirok etgan: “Xudkushlar guruhi” va “Adolat ligasi”. Albatta, xuddi shu nomdagi filmda Joker rolini o‘ynagan Xoakin Feniks va uning davomi haqida ham unutmaslik kerak. Ammo davomi chiqqandan keyin u Letodan keyin ikkinchi bo‘ladi.
