Isroil armiyasi G‘azodagi operatsiya davomida jami 700 dan ortiq odamni qo‘lga olganini ma’lum qildi

O‘tgan haftada Isroil harbiylari G‘azo sektorida terrorizmga aloqadorlikda gumon qilingan 200 dan ortiq falastinlikni hibsga oldi. Jami esa shu kungacha 700 dan ortiq kishi hibsga olinib, anklavdagi harbiy amaliyotlar davomida Isroilga so‘roqqa jo‘natildi. Bu haqda Isroil armiyasi matbuot xizmati ma’lum qildi.

“Bir hafta davomida Isroil armiyasi va Bosh xavfsizlik kuchlari G‘azo sektorida terrorchilikda gumon qilingan yuzlab odamlarni hibsga oldi, 200 dan ortiq HAMAS va “Islomiy jihod” a’zolari so‘roq qilish uchun Isroilga olib kelindi”, — deya qo‘shimcha qilinadi armiya bayonotida.

Ma’lum qilinishicha, qo‘lga olinganlarning ba’zilari ixtiyoriy ravishda Isroil kuchlariga taslim bo‘lgan.