APL. “Manchester Yunayted” “Aston Villa” ustidan irodali g‘alabani qo‘lga kiritdi
Futbol bo‘yicha Angliya Premyer Ligasining 19-turida “Manchester Yunayted” 26-dekabr, seshanba kuni “Aston Villa”ga qarshi bahs olib bordi.
Uchrashuvning 21-daqiqasida Jon Makgin “Aston Villa”ni hisobda oldinga olib chiqdi. Oradan 5 daqiqa o‘tib, Leander Dendonker hisobni ishonchli ko‘rinishga olib keldi.
Ikkinchi bo‘limda mankunianliklar Alexandro Garnachoning dubli evaziga muvozanatni tikladi. Argentinalik futbolchi dastlab 59-daqiqada darvozani ishg‘ol qilgan bo‘lsa, 71-daqiqada yana bir bor o‘z hisobiga gol yozdirib qo‘ydi. 82-daqiqada Rasmus Heylund burchakdan oshirilib berilgan to‘pni o‘ziga o‘nglab olib, darvozaga joylab qo‘ydi.
Qolgan daqiqalarda darvozalar ishg‘ol etilmadi va “qizil iblislar” 3:2 hisobida g‘alaba qozondi.
APL
19-tur
26-dekabr, seshanba
“Manchester Yunayted” — “Aston Villa” 3:2
Gollar: 0:1 – 21 Makgin, 0:2 – 26 Dendonker, 1:2 – 59 Garnacho, 2:2 – 71 Garnacho, 3:2 – 82 Heylund.
“Manchester Yunayted”: Onana, Uan-Bissaka, Evans, Varan, Diogu Dalot, Eriksen, Brunu Fernandesh, Maynu (Maktominey, 81), Garnacho, Reshford (Antoni, 80), Heylund.
“Aston Villa”: Martines, Konsa, Diego Karlos, Langle, Din (Moreno, 50), Iroegbunam, Makgin, Dendonker, Beyli (Zaniolo, 77), Duglas Luis, Remzi (Diabi, 77), Uotkins.
Ogohlantirishlar: Remzi (45), Brunu Fernandesh (73), Diego Karlos (74).
