“Yevropa Ittifoqi tomonidan Kiyevga yangi yordam paketining taqdim qilinishi Rossiyaning maxsus harbiy operatsiyasiga ta’sir ko‘rsata olmaydi” — Peskov

Rossiya prezidenti Vladimir Putinning matbuot kotibi Dmitriy Peskov Yevropa Ittifoqi tomonidan Ukrainaga yangi yordam paketi ajratilishi haqidagi xabarlarga munosabat bildirdi.

Avvalroq Financial Times gazetasida Yevropa Ittifoqi aʼzo davlatlar kafolatlari ostida qarz olib, Ukrainaga 20 milliard yevrolik yordam ajratish imkonini beruvchi mexanizmni ishlab chiqayotgani xabar qilingandi. 

Peskovning ma’lum qilishicha, bu jarayon Rossiyaning maxsus harbiy operatsiyasiga salbiy ta’sir ko‘rsata olmaydi.

“Yevropa Ittifoqi tomonidan Kiyevga yangi yordam paketining taqdim qilinishi Rossiyaning maxsus harbiy operatsiyasiga ta’sir ko‘rsata olmaydi. Rossiya uchun eng asosiysi — o‘z oldiga qo‘ygan maqsadlarga erishishdir”, — dedi Peskov.

Yevropa Ittifoqiga a’zo davlatlar ichida faqat Vengriya Ukrainaga 50 milliard yevro miqdorida yordam ajratilishiga qarshi chiqqandi. Ammo YI davlatlari Vengriya qo‘ygan vetoni chetlab o‘tishni rejalashtirmoqda.