Buyuk Britaniya havo mudofaa tizimlari uchun Ukrainaga yuzlab raketalar yetkazib beradi

Buyuk Britaniya havo mudofaa tizimlari uchun Ukrainaga yuzlab raketalar yetkazib beradi.

Bu haqda Buyuk Britaniya mudofaa vazirligi rahbari Grant Shepps ma’lum qilgan.

“Biz Ukraina mudofaasini qo‘llab-quvvatlashda davom etamiz. Shuning uchun Rossiyaning dronlari va raketalarini aqlbovar qilmaydigan aniqlik bilan urib tushirishga qodir bo‘lgan havo hujumidan mudofaa tizimlari arsenaliga qo‘shish uchun bugun yuzlab havo mudofaa raketalarini Ukrainaga yubormoqdamiz”, — deb yozdi vazir X ijtimoiy tarmog‘ida.

29-dekabrga o‘tar kechasi Rossiya qo‘shinlari dronlar va qanotli raketalar yordamida Ukrainaga yirik hujum uyushtirdi, oqibatda 24 kishi halok bo‘ldi va kamida 130 kishi jarohat oldi.