Yangi yilni nishonlash uchun dunyodagi eng qimmat shaharlar reytingi e’lon qilindi
Travel Mag portali Yangi yilni nishonlash davrida dunyoning 60 ta yirik shaharlaridagi turar joy narxlarini solishtirdi.
Asos sifatida 2023-yil 30-dekabrdan 2024-yil 2-yanvargacha 3 kechalik qolish uchun shahar markazidagi kamida 3 yulduzli mehmonxonadagi eng arzon ikki kishilik xonaning narxi belgilandi.
Unga ko‘ra, AQSHning Nyu-Orlean shahri birinchi o‘rinni egalladi. Yangi yil bayrami kunlari bu shahardagi 3 yulduzli mehmonxonada 3 kun yashah narxi 1190 AQSH dollarini tashkil etadi.
Ikkinchi o‘rinni AQSHning boshqa bir shahri — Mayami-Bich egalladi. Bu yerda bayram kunlarini o‘tkazish o‘rtacha 1184 dollarga tushadi.
Uchinchi o‘rin ham AQSH shahriga nasib etdi. Nyu-Yorkda 3 kunlik bayram ta’tili uchun 1164 dollar sarflash kerak bo‘ladi.
Top 10 talikka quyidagi shaharlar kirdi:
- Nyu-Orlean, AQSH - 1190 dollar
- Mayami-Bich, AQSH - 1184 yevro
- Nyu-York, AQSH - 1164 dollar
- Rio-de-Janeyro, Braziliya - 1089 dollar
- Sidney, Avstraliya - 1087 dollar
- Punta Kana, Dominikan Respublikasi - 940 dollar
- Kankun, Meksika - 905 dollar
- Edinburg, Shotlandiya - 902 dollar
- London, Buyuk Britaniya - 894 dollar
- Gonolulu, Gavayi - 858 dollar
