O‘zbekistonda 2023-yilda tug‘ilishlar soni eng ko‘p qaysi hududda qayd etilgani ochiqlandi
Adliya vazirligi axborot xizmati 2023-yildagi tug‘ilishlar bo‘yicha statistikani e’lon qildi.
Xabar berilishicha, FHDY organlari tomonidan 2023-yilda 968 140 ta tug‘ilish holati qayd etilgan. Ulardan:
- o‘g‘il bolalar — 501 177 ta;
- qiz bolalar — 466 563 ta.
Hududlar bo‘yicha eng ko‘p tug‘ilish:
- Samarqand — 114 446 ta;
- Farg‘ona — 107 602 ta;
- Qashqadaryo — 102 364 ta.
Sog‘liqni saqlash vazirligiga ko‘ra, 2024-yil 1-yanvar soat 17:00 holatiga ko‘ra, mamlakatda jami 1043 nafar chaqaloq dunyoga kelgan. Eng ko‘p tug‘ilish Farg‘ona viloyatida (160 nafar) qayd etilgan.
Statistika agentligiga ko‘ra, Toshkent shahrida 2023-yilning yanvar—iyul oylarida FHDY organlari tomonidan 45 473 ta tirik tug‘ilish holatlari qayd etilgan. O‘zbekistonda 2023-yilning yanvar oyida 76 199 nafar tirik tug‘ilish holatlari FHDY organlarida qayd etilgan. Ulardan 1 816 nafari egizak chaqaloqlar hisoblanadi. Yanvar—iyun oylarida esa 434 519 ta tug‘ilish qayd etilgan. 2022-yilda esa O‘zbekistonda birinchi farzandini dunyoga keltirgan onalar soni 280 432 nafarni tashkil etgandi.
