AQSH prezidentligiga nomzod Ramasvami mamlakatni NATOdan chiqarishni rejalashtirmoqda
Respublikachilar partiyasidan prezidentlikka nomzod Vivek Ramasvami mamlakatni Shimoliy Atlantika alyansi (NATO) tarkibidan chiqarish niyati borligini oshkora e’lon qildi. Bu haqda Amerikaning Politico gazetasi xabar bermoqda.
Ramasvamining fikricha, NATO bo‘yicha ko‘pchilik ittifoqchilar harbiy sarmoyaviy majburiyatlarini bajarmayapti va Amerika sarmoyalarini qayta ko‘rib chiqishni rejalashtirmoqda. Uning fikricha, NATOning ‘‘Sovuq urush’’dan keyingi ekspansionizmi (hududiy kengayish) Rossiya bilan yirik mojaro xavfini asossiz ravishda oshirdi.
Vivek Ramasvami 2023-yil oktyabr oyida Politico nashriga AQSHning NATOni tark etish g‘oyasi o‘rinli ekanligini aytgandi. Biroq, u mamlakatning blokdan chiqishi ‘‘katta transatlantik inqiroz’’ni keltirib chiqarishi mumkinligini ham ta’kidlagan.
2023-yil dekabr oyi oxirida AQSH Kongressi prezidentning alyansdan chiqish to‘g‘risida bir tomonlama qaror qabul qilishini taqiqlovchi qonunni qabul qildi. Endi Qo‘shma Shtatlar NATOdan chiqishi uchun Kongress rezolyutsiyasini olishi kerak bo‘ladi.
