Angliya Kubogi. “Liverpul” “Arsenal”ni ishonchli hisobda mag‘lub etdi, “Manchester Siti” esa raqibini tor-mor etdi
Futbol bo‘yicha Angliya Kubogi 3-bosqichidan o‘rin olgan o‘yinda 7-yanvar, yakshanba kuni bo‘lib o‘tdi.
3-bosqichdayoq Angliyaning ikki grand jamoasi o‘zaro to‘qnash keldi. “Arsenal” va “Liverpul” keyingi bosqich yo‘llanmasi uchun o‘zaro kurash olib bordi.
Birinchi bo‘limda darvozalar ishg‘ol etilmadi. Ikkinchi bo‘limda ham jamoalar bir qancha xavfli vaziyatlarni yaratdi. 80-daqiqaga kelib esa hisob ochildi. “Kanonirlar” futbolchisi Yakub Kiver o‘z darvozasini ishg‘ol qilib qo‘ydi. O‘yin oxirida esa Luis Dias gol urib, jamoasining ishonchli hisobda g‘alaba qozonib, keyingi bosqichga yo‘l olishini ta’minladi.
“Manchester Siti” o‘z maydonida “Haddersfild”ni qabul qildi va 5:0 hisobida g‘alaba qozondi. “Shaharliklar” safida Fil Foden dubl qayd etgan bo‘lsa, Xulian Alvares hamda Jeremi Dokular bittadan gol muallifiga aylandi. Yana bir gol esa mehmonlar futbolchi Ben Jekson hisobiga avtogol sifatida yozildi.
Angliya Kubogi
3-bosqich
7-yanvar, yakshanba
“Arsenal” – “Liverpul” 0:2
Gollar: 0:1 – 80 Kiver (avtogol), 0:2 — 90+5 Dias.
“Arsenal”: Remsdeyl, Uayt, Gabriel, Saliba, Kiver, Jorjinyo (Nketia, 81), Edegor, Rays, Haverts, Nelson (Martinelli, 62), Saka.
“Liverpul”: Alisson, Aleksander-Arnold, Konate, Kuansa, Gomes, Mak Allister (Gravenberx, 59), Jons (Klark, 75), Elliott (Bredli, 75), Dias, Gakpo (Diogu Jota, 59), Nunyes.
Ogohlantirishlar: Saliba (65), Elliott (70).
“Manchester Siti” – “Haddersfild” 5:0
Gollar: 1:0 – 33 Foden, 2:0 – 37 Alvares, 3:0 – 58 Jekson (avtogol), 4:0 – 65 Foden, 5:0 – 74 Doku.
“Manchester Siti”: Ortega, Akanji (Mateush Nunesh, 18), Ruben Diash, Gvardiol, Lyuis, Serxio Gomes, Kovachich (Rayt, 75), Grilish (Doku, 57), Foden (Xemilton, 76), Bobb, Alvares (de Bryuyne, 57).
“Haddersfild”: Nikols, Spenser, Lis, Gelik, Edmonds-Grin, Jekson, Uaylz (Iorpenda, 88), Rudoni, Tomas, Matos (Radulovich, 61), Koroma (Diarra, 81).
Ogohlantirishlar: Matos (13), Spenser (90).
