OAV: “Real” Kilian Mbappe bilan kelishuvga erishdi 

“PSJ” hujumchisi Kilian Mbappe yozda “Real”ga o‘tadi.

Foot Mercato nashrining xabariga ko‘ra, hujumchi bir nechta kunlik muzokaralardan so‘ng, 2024-yilning yozida “Real” safiga o‘tishga rozilik bergan.

Madridliklar futbolchiga qancha maosh berishi borasida ma’lumotlar yo‘q. Avvalroq, “qaymoqranglilar” Mbappega 2022-yilda taklif qilgan maoshdan kamroq bermoqchiligi xabar qilingandi. O‘shanda “Real” Kilianga yiliga 26 million yevro va bonus sifatida 130 million yevro va’da qilgandi. Endi esa bunday taklif klub uchun og‘irlik qiladi va hozirda jamoa yosh futbolchilarga e’tiborini qaratgan. 

Shunga qaramasdan, fransuz “Real”ning eng ko‘p maosh oluvchi futbolchisiga aylanadi.