Samarqand osmonida lentikulyar bulutlar hodisasi kuzatildi
9-yanvar kuni Samarqand viloyati Qo‘shrabod tumanining shimoliy hududlarida quyosh botayotgan paytda lentikulyar bulutlar ko‘rinish berdi.
Maʼlumotlarga ko‘ra, lentikulyar bulutlar juda kam uchraydigan tabiiy hodisadir. Bunday bulutlar havo to‘lqinlarining tepalarida yoki havoning ikki qatlami orasida hosil bo‘ladi. Bu bulutlarning xarakterli xususiyati shamol esayotganda ham bir joyda uzoq vaqt muallaq tura olishidadir.
Lentikulyar bulutlar odatda tog‘ tizmalarining past tomonida va alohida cho‘qqilar ortida, 2 kilometrdan 15 kilometrgacha balandlikda kuzatiladi.
To‘lqin oqimlarida shudring nuqtasi balandligiga erishilganda suv bug‘ining doimiy kondensatsiyasi jarayoni yuz beradi va havoning pastga qarab harakatlanishi paytida bug‘lanish sodir bo‘ladi. Shuning uchun lentikulyar bulutlar kosmosdagi o‘z pozitsiyasini o‘zgartirmaydi, balki osmonda “yopishgandek” turadi.
Lentikulyar bulutlarning paydo bo‘lishi atmosferada tog‘ to‘siqlari ustida to‘lqinlar hosil qiluvchi kuchli gorizontal havo oqimlari mavjudligini, shuningdek, havoning namligi ancha yuqori ekanini ko‘rsatadi.
