Osiyo Kubogi. O‘zbekiston terma jamoasining guruh bosqichidagi o‘yinlari uchun nechta chipta sotilgani ma’lum bo‘ldi 

Bugun futbol bo‘yicha Osiyo Kubogi musobaqasi start oladi.

Musobaqaning dastlabki uchrashuvi mezbon Qatar va Livan o‘rtasida bo‘lib o‘tadi. O‘yin Toshkent vaqti bilan 21:00 da boshlanadi.

Futbol mutaxassisi Alisher Nikimbayev bergan ma’lumotlarga ko‘ra, ochilish o‘yiniga 68 mingdan ziyod chipta sotilgan. Ushbu bahs qariyb 89 ming tomoshabinni o‘z bag‘riga sig‘dira oladigan “Lusail” stadionida bo‘lib o‘tadi. 

O‘zbekiston terma jamoasi esa turnirni Suriyaga qarshi bahs bilan boshlaydi. Ushbu o‘yinga hozircha 11 mingga yaqin chipta sotilgan. Hindistonga qarshi bahsga deyarli 34 ming, Avstraliyaga qarshi uchrashuvga esa 10 mingga yaqin chipta sotilgan.