Polsha prezidenti Anjey Duda NATO bosh kotibi Yens Stoltenberg bilan Rossiyaning Ukrainaga raketa hujumi paytida Polsha havo hududining buzilishini muhokama qilgan.
Polsha Rossiya aviatsiyasining faolligi tufayli harbiy samolyotlarni havoga ko‘tardi
Polsha Qurolli Kuchlari tezkor qo‘mondonligi Rossiya aviatsiyasining faolligi tufayli mamlakat va ittifoqchi harbiy samolyotlarni havoga ko‘tardi. Bu haqda boshqarma X (sobiq Twitter) ijtimoiy tarmog‘idagi sahifasida ma’lum qildi.
Xabarga ko‘ra, Rossiya aviatsiyasining faolligi “Ukraina hududiga zarba berish niyati” bilan bog‘liq. Unda taʼkidlanishicha, Polsha havo hududi xavfsizligini taʼminlash uchun barcha zarur choralar boshlangan.
Operativ qo‘mondonlik aviatsiya faoliyati tufayli havoda shovqin darajasi, ayniqsa, mamlakatning janubi-sharqiy qismida kuchayishi mumkinligini qo‘shimcha qildi.
Yanvar boshida Polsha harbiy-havo kuchlari AQSH harbiylari bilan birgalikda Rossiyaning Ukrainaga qarata raketa hujumlari fonida to‘rtta F-16 qiruvchi samolyotini havoga ko‘targandi.
Eslatib o‘tamiz, Rossiyaning yirik raketa hujumi paytida Ukraina hududidan Polshaga “noma’lum obyekt” uchib kelgandi. Keyinchalik u Rossiyaning raketasi bo‘lgani aniqlangan. Shundan keyin Polsha “o‘z havo hududini buzadigan navbatdagi provokatsiyalarga qattiqroq munosabatda bo‘lishini” bildirgan.
Mavzuga doir
Izoh
Kirish
Asosiy yangiliklar