Andijonda 17 yoshli qiz bedarak yo‘qoldi. Onasi unga murojaat qilib, uyga qaytishini iltimos qildi (video)
Andijon viloyati Asaka tumanida 17 yoshli qiz bedarak yo‘qoldi. Bu haqda viloyat IIB axborot xizmati xabar berdi.
Andijon viloyati Asaka tumani “Mirzaobod” mahallasida yashovchi, 2007-yilda tug‘ilgan Nazirova Zarnigor 2023-yilning 7-dekabr kuni yashash xonadonidan nomaʼlum tomon chiqib ketib, qaytib kelmagan va bedarak yo‘qolgan. Ushbu qidirilayotgan qiz haqida biror maʼlumotga ega bo‘lganlardan zudlik bilan 102 raqamiga yoki 93-7871747 raqamiga qo‘ng‘iroq qilish so‘ralgan.
“Mening qizim 7-dekabr kuni maktabga ketyapman, deb chiqib ketgan. Iltimos, shu qizimni topishimda yordam beringlar. Zarnigorjon, jon qizim, asal qizim, qaytgin, bag‘rimizni ochib kutib olamiz seni. Jonim bolam. 18-yanvar kuni tug‘ilgan kuning, jonim bolam, birga nishonlaylik”, — deya yig‘lab murojaat qilgan qizning onasi.
