“Ba’zi mamlakatlar BMT Xavfsizlik Kengashining doimiy a’zolaridan ko‘ra ko‘proq ta’sirga ega” — Antoniu Guterrish

Bugungi kunda bir qator inqirozlarda Isroil, Eron, Turkiya kabi o‘rta tartibdagi davlatlar BMT Xavfsizlik Kengashining besh doimiy a’zosi — Rossiya, Xitoy, AQSH, Fransiya va Buyuk Britaniyadan ko‘ra ko‘proq ta’sirga ega.

Bu haqda BMT bosh kotibi Antoniu Guterrish Jahon iqtisodiy forumida ma’lum qildi.

“Birlashgan Millatlar Tashkiloti Xavfsizlik Kengashining besh doimiy aʼzosi bugun ancha kam taʼsirga ega. Tan olish kerakki, bugungi kunda sodir bo‘layotgan voqealarga yirik davlatlardan ko‘ra ko‘proq taʼsir ko‘rsatadigan o‘rta kuchlar bor”, — dedi u.

Avvalroq Antoniu Guterrish Isroil va Livan chegarasida jangovar harakatlarni to‘xtatishga va “o‘t bilan o‘ynashishni” bas qilishga chaqirgandi.

“Chegara bo‘ylab kunlik o‘t ochilishidan jiddiy xavotirdaman. Bu harakatlar Isroil va Livan o‘rtasida keskinlikni kuchaytirib, mintaqaviy barqarorlikka jiddiy taʼsir qilishi mumkin”, — degandi Guterrish jurnalistlarga.