Tailandda taxminiy zaxiralari 14,8 mln tonna bo‘lgan litiy konlari topildi
Tailandda yirik litiy konlari topildi, ulardagi ruda zaxiralari 14,8 million tonnaga yetishi mumkin. Bu haqda Tailandning PBS telekanali ma’lum qildi.
Hukumat matbuot kotibi o‘rinbosari Inthavong Suvan Xirining so‘zlariga ko‘ra, konlar Phang Nga provinsiyasidagi ikkita joyda topilgan. Mazkur metalldan elektr transport vositalari uchun litiy-ionli akkumulyatorlar ishlab chiqarishda foydalanish mumkin.
Topilgan konlardagi ruda zaxiralari tasdiqlangach, Tailand Boliviya va Argentinadan keyin dunyodagi uchinchi yirik litiy zaxirasiga ega davlatga aylanishi mumkin.
Mavzuga doir
Izoh
Kirish
Asosiy yangiliklar