Krishtianu Ronaldu Lionel Messi to‘p suradigan “Inter Mayami”ga qarshi o‘rtoqlik o‘yinini o‘tkazib yuborishi mumkin
Krishtianu Ronaldu jarohati sababli “Inter Mayami” bilan o‘yinga tusha olmasligi mumkin.
AS nashrining xabar berishicha, 38 yoshli futbolchi Lionel Messi to‘p suradigan “Inter Mayami”ga qarshi o‘yinni o‘tkazib yuborish ehtimoli bor.
“An-Nassr” uning jarohati qanchalik jiddiyligi borasida batafsil ma’lumot bermagan. Biroq, Ronalduning mushaklari bilan bog‘liq muammolari bor va uning tiklanishiga bir necha hafta ketadi.
Shuningdek, Krishtianu jarohati sababli jamoaning Xitoyda bo‘lib o‘tadigan turini ham o‘tkazib yuboradi. U yerda Saudiya klubi “Shanxay Shenxua” (24-yanvar) va “Xanchjou Grintaun”ga (28-yanvar) qarshi o‘yinlar bo‘lib o‘tadi. “Inter Mayami”ga qarshi bahs esa 1-fevralga mo‘ljallangan.
Lionel Messi esa ushbu uchrashuvda maydonga tushishi kutilmoqda.
