O‘zbekiston 2023-yilda rekord darajada ko‘p oltin sotdi
O‘tgan yili mamlakat yillik eksport ulushining qariyb 33,4 foizini oltin tashkil etdi. Bu avvalgi davrlarga qaraganda eng yuqori ko‘rsatkich.
2023-yilda O‘zbekiston 8,1 milliard dollarlik oltin eksport qildi. Bu haqda Statistika agentligining tashqi savdo aylanmasiga doir press–relizida ma’lum qilingan.
Avvalroq agentlik 2022-yilda mamlakat 4,1 milliard dollarlik, 2021-yilda ham 4,1 dollarlik oltin sotganini ochiqlagandi.
Respublika 2020-yilda 5,8 milliard dollarlik, 2019-yilda 4,9 milliard dollarlik, 2018-yilda esa 2,9 milliard dollarlik oltin eksport qilgan. Yaʼni o‘tgan 2023-yildagi oltin eksporti hajmi avvalgi davrlardagiga nisbatan keskin o‘sgan.
Press–relizda 2023-yilda O‘zbekiston tashqi savdo aylanmasi hajmi 62,6 milliard dollarni tashkil etgani, shundan eksport ulushi 24,4 milliard dollarga teng bo‘lgani qayd etilgan.
