Litva ruslar va belaruslar uchun joriy qilingan cheklovlarni yana bir yilga uzaytirmoqchi

Litva hukumati Rossiya Federatsiyasi va Belorus fuqarolari uchun mamlakatga kirish va qolish cheklovlarini yana bir yilga uzaytirmoqchi. Mamlakat TIV bu haqida BNS agentligiga ma’lum qildi.

Litva Tashqi ishlar vazirligi xabar qilishicha, belaruslarga nisbatan taqiqlar Rossiya Federatsiyasi fuqarolariga nisbatan kamroq darajada joriy etiladi.

Masalan, Belarus fuqarolari ikkinchi chegara nazorat chizig‘ida qayta tekshirilmasligi mumkin, ruslarga esa takroriy tekshiruv majburiydir. 

Avvalroq Litva hukumati Litva harbiy xizmatchilari va amaldorlariga rasmiy safarlardan tashqari paytda Rossiya, Belarus va Xitoyga borishni taqiqlagan edi.