“Mitti vayn”chi Ulug‘bek marhum do‘sti Farhod Mannopovning opasiga Gentra sovg‘a qildi (video)

“Mitti vayn” jamoasi aktyori, vayner Ulug‘bek Shodmonov burnida o‘tkazilgan muvaffaqiyatsiz operatsiya tufayli vafot etgan do‘sti Farhod Mannopovning opasiga avtomobil sovg‘a qilib, uning orzusini amalga oshirdi. 



“Do‘stim, Xudo xohlasa seni hech qaysi orzung amalga oshmasdan qolib ketmaydi. Chunki sening do‘stlaring, jigarlaring va jamoang bor. Hamma orzularingni amalga oshirishga harakat qilaveramiz”, — deydi Ulug‘bek Shodmonov. 

Farhod Mannopovning opasi Nilufarga Gentra avtomobilini topshirish jarayonida marhum vaynerchining onasi ham ishtirok etgan. 

“Bu mening sovg‘am emas, buni Farhod jigarim niyat qilgandi. O‘shanda unga ‘Sening hech qaysi orzung armon bo‘lib qolib ketmaydi’, derdim”, — deydi Ulug‘bek Shodmonov.