Osiyo Kubogi. Eron penaltilar seriyasida Suriyani mag‘lub etdi, Yaponiya esa Bahrayn ustidan ishonchli g‘alabani qo‘lga kiritdi
Futbol bo‘yicha Osiyo Kubogining nimchorak finaldan o‘rin olgan o‘yinlar 31-yanvar, chorshanba kuni bo‘lib o‘tdi.
Yaponiya 1/8 finalda Bahraynga qarshi bahs olib bordi. Uchrashuvning 31-daqiqasida Ritsu Doan hisobni ochdi. Ikkinchi bo‘lim boshida esa Takefuso Kubo hisobni ishonchli ko‘rinishga olib keldi.
64-daqiqada esa Suzuki avtogol urib, hisob qisqarishiga sababchi bo‘ldi. Oradan 8 daqiqa o‘tib, Ayase Ueda yaponlarning uchinchi goliga mualliflik qildi. Qolgan daqiqalarda darvozalar ishg‘ol etilmadi va Yaponiya 3:1 hisobida zafar quchib, chorak finalga yo‘l oldi.
Eron esa Suriyaga qarshi maydonga tushdi. O‘yinning 34-daqiqasida Mehdi Taremi penaltini aniq amalga oshirib, hisobni ochdi. Birinchi bo‘lim Eronning kichik ustunligida yakunlandi. Ikkinchi bo‘limda ham eronliklarning ustunligi davom ettirilgan bo‘lsa-da, 64-daqiqaga kelib, Suriya hisobni tenglashtirishga muvaffaq bo‘ldi. Omar Harbin penaltidan unumli foydalandi. 90+1-daqiqada Mehdi Taremi qizil kartochka olib, maydonni tark etdi va Eron bir kishi kam bo‘lib qoldi.
Asosiy bo‘limlar durang natija bilan yakunlangach, qo‘shimcha bo‘limlarga murojaat qilishga to‘g‘ri keldi. Qo‘shimcha bo‘limlarda ham g‘olib nomi aniqlanmadi. Penaltilar seriyasida esa Eronning qo‘li baland keldi.
Osiyo Kubogi
1/8 final bosqichi
31-yanvar, chorshanba
Bahrayn — Yaponiya 1:3
Gollar: 0:1 – 31 Doan, 0:2 – 49 Kubo, 1:2 – 64 Suzuki (avtogol), 1:3 – 72 Ueda.
Eron — Suriya 1:1 (5:3)
Gollar: 1:0 – 34 Taremi (penalti), 1:1 – 64 Harbin (penalti).
