Osiyo Kubogi. Janubiy Koreya penaltilar seriyasida Saudiya Arabistoni ustidan g‘alaba qozonib, chorak finalga yo‘l oldi
Futbol bo‘yicha Osiyo Kubogining nimchorak finaldan o‘rin olgan Saudiya Arabistoni va Janubiy Koreya o‘rtasidagi bahs 30-yanvar, seshanba kuni bo‘lib o‘tdi.
Birinchi bo‘lim 0:0 hisobi bilan yakunlandi.
Ikkinchi bo‘lim boshidayoq saudiyaliklar hisobni ochdi. Bo‘lim boshida maydonga tushirilgan Abdulloh Radif to‘pga birinchi teginishidayoq gol muallifiga aylandi.
O‘yin oxiriga qadar bosim uyushtirgan koreyaliklar 90+9-daqiqada Cho Gyu Sonning goli evaziga muvozanatni tikladi. Shu tariqa jamoalar qo‘shimcha bo‘limlarga yo‘l oldi.
Qo‘shimcha bo‘limlarda ham darvozalar daxlsizligi saqlanib qoldi va g‘olib nomi penaltilar seriyasida aniqlanadigan bo‘ldi.
Penaltilar seriyasida esa Janubiy Koreyaning qo‘li baland keldi va keyingi bosqichga yo‘l oldi.
Koreyaliklar chorak finalda Avstraliyaga qarshi bahs olib boradi.
Osiyo Kubogi
1/8 final bosqichi
30-yanvar, seshanba
Suadiya Arabistoni — Janubiy Koreya 1:1 (2:4)
Gol: 1:0 — 46 Radif
