Estoniya Ukrainaga Javelin tankka qarshi raketalarini yetkazib berdi

Estoniya Ukrainaga harbiy yordamning navbatdagi partiyasini, jumladan Javelin tankka qarshi raketalarini topshirdi.

Bu haqda Boltiqbo‘yi Respublikasi Milliy davlat teleradiosi ERR xabar berdi.

Yordam paketiga tankka qarshi raketalardan tashqari pulemyotlar, o‘q-dorilar, turli jihozlar, shuningdek, suvga sho‘ng‘ish uskunalari kiradi.

Estoniya Mudofaa vazirligi ta’kidlaganidek, ushbu qurollarning narxi 80 million yevroni tashkil qiladi.