Tayson Fyuri va Oleksandr Usik o‘rtasidagi mutlaq chempionlik jangining yangi sanasi ma’lum bo‘ldi
Super og‘ir vazn toifasida WBA Super, IBF, WBO va IBO kamarlari sohibi Oleksandr Usik va WBC chempioni Tayson Fyuri mutlaq jahon chempionligining yangi sanasi ma’lum bo‘ldi.
Ular o‘rtasidagi jang 18-may kuni Saudiya Arabistonida bo‘lib o‘tadi. Bu haqida saudiyalik vazir Turki al ash-Sheyx ma’lum qildi.
Shuningdek, agar Usik yoki Fyuri may oyidagi jangdan bosh tortsa 10 million dollar jarima to‘lashi ham belgilandi.
“Agar Usik qo‘rqsa, Entoni Joshuani Fyuri bilan jangga chaqirishim mumkin. Agar Tayson qo‘rqsa, istalgan bokschini chaqirib, Usikka qarshi jang qilishga ko‘ndirishim mumkin. Bizda ikki tomonlama shartnoma mavjud, bokschilar buni biladi”, — deydi ash-Sheyx.
Usik va Fyuri o‘rtasidagi jang 17-fevral sanasida bo‘lib o‘tishi lozim edi. Biroq, Tayson sparring vaqtida qoshidan olgan jarohat tufayli, jang qoldirilgandi.
