Bloger Abror Muxtor Aliy hibsga olindi

Bloger Abror Muxtor Aliy 6-fevral kuni hibsga olindi. Bu haqda Inson huquqlari ezgulik jamiyati raisi Abdurahmon Tashanov xabar berdi. “Daryo”ning huquqni muhofaza qilish organlaridagi manbasi bu ma’lumotni tasdiqladi.

Tashanovning ma’lum qilishicha, bloger va ulamo Abror Muxtor Aliy (Abror Abduazimov) jinoyat ishlari bo‘yicha Toshkent shahar Shayxontohur tumani sudi qarori bilan qamoqqa olingan.

U Ma’muriy javobgarlik to‘g‘risidagi kodeksining 194-moddasi (Ichki ishlar organlari xodimining qonuniy talablarini bajarmaslik) va 195-modda (Ichki ishlar organlari xodimlarining o‘z xizmat burchlarini bajarishlariga qarshilik ko‘rsatish)sida ifoda qilingan huquqbuzarlikni sodir etishda aybli deb topilgan.