Emili Blant “Oppengeymer”ni suratga olish vaqtida Killian Myorfiga bir necha marta tarsaki tortgani uchun undan uzr so‘radi
Italiyalik aktrisa Emili Blant The Sun nashriga bergan intervyusida hamkasbi Myorfiga o‘n marta tarsaki tushirgani va unga tan jarohati yetkazgani uchun kechirim so‘radi. Aktrisaning ta’kidlashicha, tarsaki sahnasi o‘n marta suratga olingan, biroq mazkur qism filmga kiritilmagan.
Kristofer Nolan filmida Killian Myorfi yadro fizigi Robert Oppengeymerni, Blant esa uning rafiqasi Ketrin rolini o‘ynagan. Bir sahnada u irlandiyalik aktyorning yuziga urib, so‘ng bo‘yni va yoqasidan ushlab olishi kerak edi.
Rejissor menga: “Uni ur”, dedi. Men: “Qanday bo‘larkan” deb ikkilandim. Killian ham: “Ur meni, bo‘laqol”, deb ishontirdi. Rejissor esa hamkasbingga jiddiy hech narsa bo‘lmaydi, deb meni tinchlantirdi—deydi aktrisa.
Yonoqlari bilan mashhur bo‘lgan Killian Myorfining yuzi uzoq vaqt tarsakidan qizarib yurgan. Filmda buni yashirish uchun maxsus grimdan foydalanishga to‘g‘ri kelgan.
Kristofer Nolanning “Oppengeymer” filmi Qo‘shma Shtatlarda yadro qurolining rivojlanishi haqida bo‘lib, 2023-yil iyul oyida taqdim etilgan. Mazkur filmdagi rollari uchun Emili Blant va Killian Myorfi eng yaxshi ikkinchi plandagi aktrisa va eng yaxshi aktyor sifatida “Oskar” mukofotiga nomzod bo‘ldi.
Film eng yaxshi film, eng yaxshi rejissor va eng yaxshi ikkinchi plandagi aktyor (Kichik Robert Dauni) kabi bir qancha nominatsiyalar bo‘yicha Amerika kinoakademiyasi mukofoti nomzodligiga taqdim etilgan.
