Messi bilan bog‘liq mojaro tufayli Xanchjou hukumati Argentina — Nigeriya o‘rtoqlik o‘yinini bekor qildi
Xanchjou hukumati Argentina va Nigeriya terma jamoalari o‘rtasidagi o‘rtoqlik uchrashuvini bekor qildi.
Terma jamoalar o‘rtasidagi o‘yin mart oyida Xitoyda bo‘lib o‘tishi kerak edi. Biroq, Xanchjou sport byurosi uchrashuv “hammaga ma’lum bo‘lgan sabablarga ko‘ra” bekor qilinishi aytildi.
“Tadbirni o‘tkazish shartlarini asoslab bo‘lmaydi va uni bekor qilish to‘g‘risida qaror qabul qilindi”, — deyiladi WeChat’da e’lon qilingan bayonotda.
OAV o‘yinning bekor qilinishiga Gongkong chempionati yulduzlarining “Inter Mayami”ga qarshi bahsdagi (1:4) vaziyat sabab bo‘lganini yozmoqda. Garchi shartnoma shartlarida kamida 45 daqiqa o‘ynashi ko‘zda tutilgan bo‘lsa-da, Lionel Messi maydonga tushirilmadi. Tomoshabinlar esa Amerika jamoasiga hushtakbozlik uyushtirdi.
O‘yin tashkilotchisi chipta narxining 50 foizini muxlislarga qaytarishga va’da berdi.
