Moskvada ayolni zo‘rlaganlikda ayblangan o‘zbekistonlik migrant qo‘lga olindi
Moskva Tergov boshqarmasi rahbarining katta yordamchisi Yuliya Ivanovaning ma’lum qilishicha, O‘zbekiston fuqarosi Moskva janubidagi ko‘p qavatli uylardan birida ayolni zo‘rlaganlikda ayblanmoqda. U hozirda qo‘lga olingan.
Tergov maʼlumotlariga ko‘ra, ayblanuvchi 1-fevralga o‘tar kechasi Moskva shahrining Avtozavodskaya ko‘chasidagi turar joy binosining liftida nomaʼlum ayolga hujum qilib, zo‘rlagan, shuningdek, unga nisbatan boshqa jinsiy xarakterdagi harakatlarni sodir etgan, shundan so‘ng u qochib ketgan.
“31 yoshli O‘zbekiston fuqarosi qo‘lga olindi va unga nisbatan ayblov e’lon qilindi. Jinoyat ishi doirasida jalb qilingan ayblanuvchi amaldagi migratsiya qonunchiligi binoan ham tekshiriladi”, — dedi Ivanova.
Hozirda o‘zbekistonlik migrantning ismi-sharifi ochiqlanmayapti. Mazkur holat yuzasidan Rossiya Federatsiyasi Jinoyat kodeksining 131-moddasiga asosan jinoyat ishi qo‘zg‘atilgan. Tergov harakatlari davom etmoqda.
