So‘nggi ikki Olimpiada o‘yinlari g‘olibi bo‘lgan Braziliya U-23 terma jamoasi saralashdan o‘ta olmadi 

Futbol bo‘yicha Braziliya U-23 terma jamoasi 2024-yilgi Olimpiadaning final bosqichida ishtirok etmaydi.

Tokio va Rio-de-Janeyrodagi so‘nggi ikki Olimpiada g‘olibi bo‘lgan braziliyaliklar Argentinaga mag‘lub bo‘lib (0:1), saralash guruhida 3-o‘rinni egalladi. 

Shu tariqa Ramon Menezes shogirdlari Parij—2024 da ishtirok etmaydi.

Guruh g‘olibi Paragvay hamda 2-o‘rinni egallagan Xavyer Maskerano boshchiligidagi Argentina yo‘llanmani qo‘lga kiritdi.