“Real Madrid” avtobusi Germaniyada avariyaga uchradi 

Madridning “Real” klubi avtobusi Germaniyada avariyaga uchradi.

“Qaymoqranglilar” “Leypsig”ga qarshi Chempionlar Ligasi doirasidagi o‘yin uchun Germaniyaga yetib bordi.

Biroq, yo‘lda boshqa mashina haydovchisi klub avtobusini suratga olaman deb, boshqaruvni yo‘qotib qo‘ygan va avtobusga borib urilgan. Voqeadan jabrlanganlar yo‘q.

Madridliklar Germaniyaga samolyotda uchishni rejalashtirgandi. Biroq, Leypsigga qo‘nish imkoni bo‘lmagani uchun samolyot Erfurtda to‘xtagan. U yerdan “Real” avtobusda 160 kilometr yo‘l bosib o‘tgan.

Karlo Anchelotti jamoasining “Leypsig”ga qarshi o‘yini 13-fevraldan 14-fevralga o‘tar kechasi 01:00 da start oladi.